Um Fuessamschdeg gëtt dee grousse Clochard’s-Bal ab 21 Auer am Déifferdenger Zentrum gefeiert. En ass mëttlerweil ee vun de beléiftsten a gréisste Fuesbaler am Süde vu Lëtzebuerg. Fir allerbeschte Fuesstëmmung suergen dëst Joër ganz nei de bekannten Orchester Noisemakers zesummen mat eiser traditionneler Besetzung dem Käpt’n Ändä & Matrous K1000 feat. the Hüettes.

Dernieft wäerten de Jeannot Conter a Rol Girres, dee fantasteschen Entertainment-Duo, mat Witz a Partystëmmung all Fuesgeck ameséieren.

Praktesch Informatiounen

Den Entréespräis an der Oweskeess fir de Malle Alaaf läit bei 15 Euro. En Ticket am Virverkaf kascht 10 Euro. Ticketen mat Gratistombola ginn et am Kulturzentrum Aalt Stadhaus an op www.luxembourg-ticket.lu

En plus steet den ëffentlechen Transport (Gare vun Déifferdeng ass op 200 m), dee mam Ticket vun der „RTL-Megafuesend“ gratis ass, zur Verfügung. Och déi 4 Linnen vum Diffbus fuere Freides a Samschdes bis 3 Auer Mueres. Parkméiglechkeete ginn et um Parking des Hauts-Fourneaux.